Հոգի

Այս բառը ծառայում է միայն անիրական հաղորդումների ոլորտին: Մարդս խոսում է այն ժամերին, երբ նա չի ապրում: Հենց որ մենք խոսում ենք, դռները փակվում են: Բազմության լռությունը անբացատրելի կշիռ ունի: Մարդիկ իրար գլուխ են հավաքվում միայն... խոսելու համար: 

Ասել է, թե` բանախոհության նրբանուրբ մակույկը, որի մեջ նստած` մենք դեպի իռացիոնալն ենք թիավարում: Իսկական ճշմարտությունը երկու մարդու միջև չի կարող արտահայտվել: Յուրաքանչյուր գործադրած ճիգ կամ լարում խոչընդոտում է դրան: Հոգիները միավորվում են, երբ շրթունքներն են բաժանվում իրարից:

Կյանքում ամեն ինչ ընթանում է կանխավ համաձայնության կայացման ոգով, որի մասին երբեք չեն խոսում: (Դրանք այն մարդիկ են, որոնց կյանքը ամեն վայրկյան ներկա է` նրանց շուրջառած): 

Ռ. Մուզիլ - փոխադրություն Մորիս Մետեռլինկից